Fimmtudaginn 23.sept. s.l var haldinn aðalfundur STAF og mættu þar 27 félagsmenn. Fundurinn fór vel fram og töluverð umræða var á meðal fundarmanna um ýmis málefni.
Á fundinum var borin fram tillaga um sameiningu STAF og Kjalar stéttarfélags Akureyri, en stjórn STAF hefur einmitt verið með kynningar á þeim sameiningarviðræðum frá því í vor.
Þessi tillaga var samþykkt með því að, já sögðu 21, nei sögðu 5 og 1 seðill var auður.
Þar með er það ljóst að STAF verður, frá og með áramótum í síðasta lagi, deild innan Kjalar og fær formaður STAF sæti í stjórn þess.